துரத்தும் பயணங்கள்...

துரத்தும் இலக்குகள்,
மிக அவசர பயணங்கள்,
வைட்டிங் லிஸ்டில் என் பெயர்,
விமானத்தில் கூட இடமில்லை,
தொடர் வண்டியில் எள் போட இடமில்லை,
வித் அவுட்டில் கூட போகலாமே என்று சொல்லும் பாஸ்,

கடைசியில்
குளிரூட்டப்பட்ட சொகுசு பேருந்தில் பயணம்,
ஒரு அலுக்கள் குலுங்கள் இல்லாமல்,
வெண்ணை போல் வழுக்கிக் கொண்டு ஓடும் வோல்வோ ,
DVD இல் படு அறுவை திரைப்படங்கள்,

உம்மணா மூஞ்சி சக பயணிகள்,
சிப்சும் கோக்கும் சோறு போல தின்னும்
டீன்ஏஜ் பெண்கள்,
கொள்ளை அடிக்கும் மோட்டல்கள்,

இது
பணமும்,விஞ்ஞானமும் தந்த சொகுசு / வசதி,

ஆனால்
பஸ் ஸ்டாண்டில் அவசரத்துக்கு
ஜன்னலில் கை நீட்டி
ஒரு மாங்கா பத்தை கூட வாங்க
முடியல,

கார்ப்பரேட் ஆபீசில்

ஒரு குழப்பமான சுதேசியாக
நான்?